BGM：銀髮白
Lunch break，與總是愛吹無聊話題的長氣飯腳。
不錯，我不用叫茶。
I人只想靜靜消化食物，通常我會開展一個話題，他便能用整頓飯的時間接下去。
不錯，我不用搭上嘴。
這天的lunch break下單後的空白位我開展了一個話題：
「話說我最近多咗好多白頭髮，其實我好細個已經有，通常變白之前係金金地，我嗰陣就會掹甩佢然後儲起，以為係真金可以賣出去賺錢😂😂😂。」
「啲人話諗得嘢多就會生白頭髮，都唔知係咪真…（下刪五百字）」
我靜靜聽著。
「話說我真係由細開始就諗埋啲on9嘢。以前聽交通消息，成日叫啲人要小心交通黑點。記得廿幾年前條街成日都有人𡁻完香口膠就隨地𦧲，然後畀人踩到變一笪笪黑色。我以為嗰啲就係交通黑點，然後次次行路都好小心唔好踩到😂😂😂。」
「下乜你咁細個諗埋呢啲嘢…」
「你唔係㗎咩？」
「邊會諗呢啲？我都係諗點樣打機過關…（下刪三千字關於打機）」
我最愛的銀芽肉絲炒麵和世一紅豆冰到了！終於可以專心用餐。
//遇上秋色時可如金
遇上春光時可能匆匆變做紅
誰都擔心變做誰
誰都焦急變做誰//
我在匆匆著什麼呢？
我又焦急著什麼呢？
P.S. 好久沒找V，今回雀巢染了些白，寂寞的沒有雀鳥到訪。
